Nangikeddeng ti Department of Agriculture (DA) ti 60-day restriction iti panagangkat ti sumagmamano a produkto ti baboy kalpasan a naduktalan iti preliminary investigation ti panagngato ti foreign shipments iti nakaro a pannakaapektar ti domestic hog industry.
Inbatad ti Department of Agriculture a ti dakkel a shipments ti imported pork ket nagresulta ti P27.9 bilyon a pannakalugi iti umuna a pito a bolan ti 2026.
Sakopen ti provisional measure ti ‘specified fresh ken frozen pork cuts, carcasses, ken edible offal’.
Kabayatanna, pinirmaan ni Agriculture Secretary Francisco Tiu Laurel Jr. ti department order a palubusan ti provisional safeguard measure iti babaen ti Republic Act 8800, wenno Safeguard Measures Act.
Ti nasao nga addang ket kalpasan ti 42% a panagngato ti panagangkat ti baboy manipod iti 589,675 a metriko tonelada idi 2023 ket nagbalin a 836,240 a metriko tonelada idi 2025.
