LAOAG CITY – Binallaagan ni Ombudsman Jesus Crispin ‘Boying Remulla dagiti kameng ti Bureau of Jail Management and Penology wenno BJMP no mapaneknekanna nga adda ti iregularidad iti nasao a pagbaludan.
Kinunana a saan daytoy nga agdudua nga ikkaten iti serbisio wenno i-dismiss dagiti mapaneknekanna nga adda ti pabpaboranna iti uneg ti pagabaludan.
Ti nasao a panagballaag ket kalpasan ti naipublikar nga isyu mainaig iti maipagarup a personal assistant ni dati a House Speaker Martin Romualdez iti uneg ti BJMP.
Ti nasao a personal assistant ket inadmitir ni New Quezon City Jail Male Dormitory a ni Warden Supt. Maria Lourdes Pacion idi simmango daytoy iti Sandiganbayan.
Mainaig iti daytoy, insigida a nangirakurak ti reaksion ni Ombudsman Remulla iti nasao nga impormasion a mangibagbaga nga adda ti ‘special treatment iti uneg ti nakabaludan ti dati a house speaker.
Inpanamnamana ti insigida a panangberipikarda iti nasao nga impormasion.
