LAOAG CITY – Naipaima iti tunggal barangay ditoy suidad ti Laoag ti blood pressure aparratus.
Daytoy ti inpakaamo ni Mrs. Janet Retamal, mangidadaulo iti City Population and Development Office ditoy suidad.
Segun kenkuana, daytoy ket para iti al-alisto a pannakasaluad ti salun-at dagiti bumarangay.
Naipaima dagiti nasao a BP apparatus kadagiti Barangay Service Point Officer (BSPO) gaputa isuda ti maysa kadagiti first responder no adda dagiti emerhensia iti barangay.
Kinunana a dakkel a tulong dagiti nasao nga apparatus tapno makita ken ma-monitor ti kasasaad ti salun-at dagiti bumarangay.
