Target ti PhilHealth a mapalawa ti bilang ti benepisiario babaen ti Yaman ng Kalusugan Program (YAKAP) iti 60 million inton malpas ti 2027 kas ti kalikagumda ti napalawa nga akses ti preventive healthcare.
Segun ken ni PhilHealth President ken Chief Executive Officer Beverly Lorraine Ho a ti programa ket immabotan iti agarup 22 million a benepisiario idi Oktubre 2026, a manamnama nga umado ti bilang iti 27 million inton malpas iti agdama a tawen.
Innayonna a gagem ti YAKAP a magutigot dagiti Pilipino ti nasapa a panangsapul iti medical attention no sadinno inpettengna a saan a kasapulan nga urayen nga ag-develop iti serious illnesses sakbay nga usaren ti PhilHealth benefits.
Mainaig iti daytoy, ti nadakamat a programa ket sungbatanna ti basic consultations, outpatient medicines, ken cancer screening.
