Inbatad dagiti agasawa a da Shaira Diaz ken EA Guzman a naan-anayen a nakasagana da a maaddaan ti anak.
Segun ken ni Shaira, nasuroken a maysa a tawen sipud nagkasar da ken ni EA isut gapuna nga aniaman nga oras ket nakasagana dan a maaddaan ti baby.
Iti baet daytoy, kuna ni Shaira a saanda a kayat ti mapressure a maaddaan ti anak isut gapuna nga iyuray da lattan no kaanu a maparaboran da baby.
Inrakurak pay ti aktres a ti maysa kadagiti patien da a rason no apay a possible a narigrigat nga agsikog ket ti panagpaspasar na ti polycystic ovary syndrome a saan lang a maipapan iti ovarian cysts no di ket maysa nga “hormonal and metabolic disorder”.
