Kinumpirmaran ti maysa a prosecution witness a saan a karaman ni dati nga House Speaker ken Leyte Representative Martin Romualdez iti listaan dagiti proponent ti flood control projects nga adda pakainaigan iti maipagarup a P7.4 billion plunder case kontra kenkuana.
Iti panagdengngeg iti Sandiganbayan Third Division, inbatad ni Department of Public Works and Highways (DPWH) Engr. Carlo Rivera a nakakolektar ken naitulodna ti maipagarup P5 billion a commitment fees wenno kickbacks manipud kadagiti kontratista ken ni dati a Department of Public Works and Highways (PDWH) Bulacan First District Engineer Henry Alcantara, idinto a naipasa ken ni dati nga Ako Bicol Party-list Representative Zaldy Co.
Segun ken ni Rivera, ni Co ti nangibunong ti pondo kadagiti proponent ti flood control projects, pakairamanan ti bukodna a bago, ni dati a Department of Public Works and Highways (DPWH) Undersecretary Roberto Bernardo, Senador Jinggoy Estrada ken dati a Senador Ramon Bong Revilla Jr.
Nupay kasta, inbatadna pay a ni Alcantara ti nangted kenkuana ti listaan dagiti proponent.
Napasamak ti panangkolektar ti commitment fees manipud 2022 agingga 2025.
