Manamnama ti pannakaiyakar iti detention facility dagiti nasurok a 200 a protesters a naarestar iti Muntinlupa City kabayatan ti ASEAN Summit.
Daytoy ti inwaragawag ni National Capital Region Police Office (NCRPO) chief Police Brigadier General Christopher Abrahano kalpasan a naipila da ti reklamo kontra kadagitoy.
Segun ken ni Abrahano, iyur-uray da laeng ti commitment orders manipod iti korte para iti pannakaiyakar iti pagbaludan dagiti naarestar a demonstrador.
Iti agdama, kuna ni Abrahano a nagtalinaed iti Camp Bagong Diwa dagiti naarestar a demonstrador gapu iti panaglabsing da ti pagannurutan kabayatan ti ASEAN summit.
Mainaig iti daytoy, kinondenar ti sumagmamano nga organisasyon ti pannakaarestar dagiti demonstrador ken ti maipagarop a nadamsak a pannakawara dagiti nangiyuswat ti tignay-protesta iti Metro Manila kabayatan ti panaglukat ti maika-49 nga ASEAN Summit idi Domingo, Nobyembre 15 ita a tawen.
Agarop 200 agingga iti 300 a protesters, a pakairamanan dagiti mannalon, estudyane, Indigenous peoples ken mangmangged dagiti naarestar iti Metro Manila, maibasar iti datos ti August Twenty-One Movement (ATOM).












