LAOAG CITY – Inpanamnama ti pannakangiwat ti Armed Forces of the Philippines (AFP) iti West Philippine Sea (WPS) a ni Rear Admiral Roy Vincent Trinidad ti panangsuportar ti ahensia kadagiti diplomatic protest nga ipila ti Department of Foreign Affairs (DFA) kontra iti panang-bully ti China kadagiti Pilipino a mangngalap.
Kinunana nga addan dagiti gundaway a mangipapaayda dagiti detalye iti Department of Foreign Affairs mainaig kadagiti saan a nainkalintegan a panagtigtignay dagiti Tsino iti kabaybayan a paset ti West Philippine Sea tapno agserbi kas pagibasaran ti ahensia para iti pannakabukel ti insigida a panagtignayda.
Mainaig iti daytoy, idi laeng kallabes, adda ti napasamak a pananglapped dagiti Tsino iti medical evacuation ti maysa a suldado nga agkasapulan ti pannakataming, no sadinno aggapo daytoy iti BRP Sierra Madre iti Ayungin Shoal nga iso ti maysa a rason ti pannakaalerto dagiti kameng ti Armed Forces of the Philippines iti nasao a lugar gapu iti pangta ken ti mabalin a risgo a mapasaran iti agtultuloy a tension.
