LAOAG CITY – Ginutigot ti international law professor, a ni Atty. Romel Bagares ti Department of Foreign Affairs ti panangipila ti ahensia ti written protest mainaig iti panagpangta ni Chinese Ambassador Jing Quan kontra iti Pilipinas.
Segun ken ni Atty. Bagares, masapol ti panangipila ti formal protest ti ahensia kontra iti ambasador nga agserbi kas pormal a dokumento iti panagpangta na.
Inbatad ni Bagares a maibilang a panagpangta ti rakurak ti opisial, no sadinno a masapol a saan daytoy a palabsen ti gobierno.
Malaksid iti daytoy, inawaganna pay a panangtagibassit iti Pilipinas ti nagbalin a rakurak ti nasao nga opisyal.
