LAOAG CITY – Inabak ti Chicago Bulls ti Milwaukee Bucks iti nagbalin a laban ti dua a team iti score nga 125-104.
Saan a kinabaelan ti Bucks ti 47% overall shooting performance ti Bulls nga indauloan ti forward a ni Matas Buzelis.
Mangidadaulo ti bagito a forward ti stat stat sheet iti 19 points, 2 rebounds, 3 assists, maysa nga steal ken maysa a block
Mainaig iti daytoy, dakkel pay ti naitulong ti bench player a ni Leonard Miller a nakagun-od ti 18 a puntos, pito a rebounds, ken dua nga steal tapno agballigi ti Bills iti laban.
Kabayatanna, nakaskasdaaw ti napintas a depensa ti Bulls nga umabot iti 14 steals, maysa a gundaway tapno puersaen dagiti Bucks nga agaramid ti 30 a turnover iti intero a laban.
Malaksid iti daytoy, immabot iti 34 points ti kadakelan a lamang ti Bulls iti pakabuklan ti matchup.
Iti pannakapaay ti Bucks, nasayang ti double-double performance ti bagito a forward a ni Ousmane Dieng nga nakagun-od ti 10 points ken 11 rebounds, ken iti 23-point performance ti bench a ni Kameron Jones.
Daytoyen ti maikatlo a daras a pannakapaay ti Bucks ita a preseason kabayatan nga iggem ti Bulls ti 2-2 win-loss record.
