LAOAG CITY – Kinarit ni Mamamayang Liberal Party-list Rep. Leila de Lima ti China nga agtalaw iti Pilipinas ken paneknekanna ti rakurakna a kalikagum ti China ti natalna nga aglawlaw.
Daytoy ket kalpasan ti nagbalin a rakurak ni Chinese Ambassador Jing Quan nga alisto laeng a mangabak ti Beijing no agaramat daytoy ti puersa kontra iti Pilipinas.
Segun ken ni De Lima, saan nga agpapada ti rakurak ti China kadagiti araramiden na iti West Philippine Sea (WPS), no sadinno karaman ditoy ti panangharass-da kadagiti Pilipino.
Mainaig iti daytoy, kinondenar met ti House Young Guns bloc ti rakurak ti ambassador nga nga imbes a mangidaulo daytoy ti nainkapyaan a dayalogo, maipagarup a daytoy pay ti mangirugrugi ti saan a panagkinnaawatan dagiti dua a pagilian.
Malaksid kadagitoy, nagpanawagan met da Deputy Speaker Jay Khonghun ken dagiti dadduma pay a miembro ti bloc a masapol a respetaren ti China ti international Law, ti United Nations Convention on the Law of the Sea (UNCLOS) ken iti 2016 arbitral ruling.
