LAOAG CITY – Pinatawan ti sanction ti gobierno ti China ti communication minister ti Paraguay a ni Gustavo Villate ken foreign minister ti Belize a ni Francis Fonseca gapu iti pannakirelasion da iti Taiwan.
Karaman kadagiti inpatungpal a pannusa ti Chinese Ministry of Foreign Affairs ti panangi-freeze kadagiti sanikua ti China, panangipawil iti aniaman a transaksion dagiti kompania ti Chinese iti dua nga opisial.
Inakusaran ti Beijing ti dua a ministro ti panagaramid dagiti addang nga ibilang da a mangpadakes iti nasional a soberania ken kangrunaan nga interes ti China iti babaen ti panangsuporta iti Taiwan.
Naipataw ti sanction, dua nga aldaw kalpasan ti selebrasion ti National Day ti Taiwan no sadinno a pinatibker manen ti Paraguay ken Belize ti relasion da iti nadakamat nga isla.
Ti Paraguay ken Belize ket karaman iti maudi a 12 a pagilian iti lubong nga addaan ti pormal a diplomatiko a relasyon iti Taiwan nga agtultuloy a tagikwaen ti China kas bukodna a teritorio.
