LAOAG CITY – Natay ti maysa a lalaki nga agtawen 36 ken residente ti brgy 38-A mangato iti siudad ti Laoag kalpasan a naawanan daytoy ti kontrol ti panagmaneho na kabayatan ti panagdalyasat na iti Rodolfo Fariñas Bypass Road iti bisinidad ti Barangay 45 Tangid ditoy siudad ti Laoag.
Basar iti imbestigasion, iturturong ti biktima ti maysa a Kawasaki zr900m ken turturongen na ti amianan a direksion. Idinto a naawanan ti kontrol ti biktima ken naaksidente.
Gapu iti daytoy, nagsagaba ti sumagmamano a sugat ti paset ti bagi biktima.
Kabayatanna, naitaray daytoy iti Laoag City General Hospital ngem naideklarar a dead on arrival babaen ti Attending Physician na a ni Dr. Jonathan Cua Lim.












