LAOAG CITY – Naamendaran ti ordinansa para iti pannakaipaay ti libre a tinawen a medical check-up dagiti opisial ti barangay ditoy ciudad ti Laoag tapno masigurado ti nasayaat a kasasaad ti salun-at da.
Segun ken ni Konsehal John Michael Fariñas, ti nasao nga ordinansa ket mangipaay iti serbisio medical para iti amin nga opisial iti barangay ditoy siudad.
Inlawlawag na a ti orihinal a probision iti ordinansa iti pannakausar ti benepisio ket maibasar iti aldaw iti pannakaiyanak ti opisial a mabalin nga aramiden iti uneg ti maysa a lawas sakbay wenno kalpasan iti aldaw ti pannakaiyanak.
Nupay kasta, iti pannakaamendar na ket nabaliwan daytoy a sistema no sadinno a mapagbalin nga oti kada barangay tapno agkakadua dagiti opisial a mapan iti City Health Office ken Laoag City General Hospital.
Malaksid iti daytoy, inbatad na a dagiti opisial ti barangay ket isuda dagiti umuna nga agsungbat kadagiti kasapulan iti komunidad gapu ta dagitoy ti frontliners ken addaan da iti direkta a pannakikadua kadagiti umili.
Gapu iti daytoy, masigurado ti bukod da a salun-at babaen iti regular a pannaka-eksamen dagitoy, saan laeng a no adda ti sakit da no diket tinawen a medical check-up.
