LAOAG CITY – Masapol nga agparehistro dagiti Persons with Disabilities iti Persons with Disability Affairs Office (PDAO) ditoy ciudad ti Laoag tapno magundawayan da dagiti benepisyo a nairanta a para kadakuada.
Daytoy ti inbatad ni Mr. Christoper King Medina, mangidadaulo iti Persons with Disability Affairs Office (PDAO) ditoy siudad ti Laoag.
Kuna na a karaman kadagiti kangrunaan a pakabenepisyaran dagiti nakarehistro nga addaan ti rangkap ti bagina ket ti PWD Philippine Health Insurance Corporation (Philhealth).
Inlawlawag na a dagiti laeng nakarehistro iti opisina da ti pagibasaran no siasinno dagiti Persons with Disability a rumbeng a maipaayan ken makagundaway kadagiti nagduduma a benepisyo ken serbisyo manipod iti gobierno.
Immunan nga inrakurak ni Medina nga iti panagparehistro ket kasapulan ti valid nga Identification Card (ID), birth certificate, Medical Certificate wenno Certificate of Disability ken dadduma pay.












