LAOAG CITY – Nauram ti maysa a truck mixer iti paset ti Baligat iti siudad ti Batac.
Basar iti naala nga impormasion ti Bombo Radyo Laoag, ti nasao a truck mixer ket naggapu iti ili ti San Nicolas ket kabayatan ti panagbiahena ket naripar ti driver nga agas-suken ti nasao a truck a luglugananda.
ket ditoy a timmawag ti driver ti kaduana, no sadinno a pinagyodda ti nasao truck mixer.
Kabayatan ti panagpaguyodda ti truck, bimmara ti makinana ken naamoan a naperdi ti fuel injection pump-na a rason ti nagtaudan ti uram.
Gapu iti daytoy, insigida a sinebseban dagiti residente ti nasao truck tapno maliklikan ti mabalin a panagwaras pay ti uram.
Kabayatanna, basar iti impormasion, partially damaged laeng ti nagbalinan ti truck ken awan met ti nairekord a nadangran.
