LAOAG CITY – Mapaspasaran dagiti umili ti Kyiv ken nagduduma pay a paset ti Ukraine ti nakaro a krisis iti kuryente, danom, ken lamiis kagiddan ti naiget a panagatake ti Russia kadagiti pasilidad ti enerhiya.
Basar kadagiti rakurak, naminpinsan a nadadael ken na-offline ti maysa kadagiti kadakkelan a power station iti Ukraine kalpsan a matamaan ti ballistic missile, idinto nga agtultuloy ti pannakaitantan ti panagurnos gapu iti agsasaruno nga air raid sirens ken pangta dagiti drone.
Mainiag iti daytoy, inlawlawag ni Maxim Timchenko, Chief Executive Owner ti kadakkelan a pribado nga energy company a DTEK, a doble ti pigsa ken kinalawa dagiti panagatake ita a tawen 2026 isut gapo na nga umabot agingga intono sumaruno a tawen ti panagsubli ti operasion ti nadadael a planta.
