LAOAG CITY – Inbatad ni Mrs. Marnelli Sabas, mangidadaulo ti City Social Welfare and Development Office (CSWDO) iti siudad ti Batac nga adda dagiti imon-monitor ti opisinada a kaso dagiti agtutubo a naglabsing iti linteg.
Kasta pay dagiti child at risk a manarimaan nga imon-monitor ti opisinada nga isu iti nagbalin a biktima ti rape, abused children, neglected children ken orphan children.
Inpakaammona nga talloda nga agpapaay iti City Social Welfare and Development Office (CSWDO) iti siudad ti Batac a mangtrattratar kadagiti kakastoy a kaso.
Kinunana a saan da laeng nga ipadpadalan dagiti nasao a biktima iti rehabilitasion no diketdi karaman payen dagiti kameng ti pamilyada tapno maammoan no ania dagiti rason no apay a naaramidda dagiti nilabsingda a linteg.
