LAOAG CITY – Maalarma ti maysa a leading cancer organizations iti Estados Unidos mainaig iti ngumatngato a kaso ti prostate cancer.

Mainaig iti daytoy, ginutigot ti nasao nga organisasyon dagiti lallaki a dumalan ti screening tapno nasapsapa a maamoan no dagitoy ket addaan ti sakit a prostate cancer.

Inrekomendar met ni Dr. William Dahut, ti chief scientific officer ti American Cancer Society a masapol a dumalan dagiti lallaki ti screening iti kada dua a tawen mangrugi iti tawen a 50.

Innayon na a napateg a napateg a pagsaritaan dagiti lallaki ti prostate cancer screening iti health care provider.