Nakasagana a mangipaay ti naikalintegan a tulong ti National Bureau of Investigation (NBI) no maituloy a maikabil iti Estados Unidos ni Kingdom of Christ (KOJC) founder Apollo Quiboloy.
Daytoy ket kalpasan ti panangiparuk-at ti Makati Regional Trial Court ti extradition arrest warrant kontra ken ni Quiboloy ken dagiti kadua na.
Segun ken ni National Bureau of Investigation Director Melvin Matibag a nakadependar da laeng iti aniaman a pammilin manipud iti Department of Justice (DOJ).
Mainaig iti daytoy, urayen da ti pormal a maipaima kadakuada ti kopia ti extradition warrant manipud ti Department of Justice.
Inlawlawag da pay a ti proseso ket isumitir daytoy iti Department of Justice ken isudan ti agdesision kadaytoy.
Maipalagip a nangiparuk-at ti Makati City Regional Trial Court ti extradition warrant of arrest ken hold departure order ita nga aldaw, Nobiembre 13 kontra iti agdama a nakabalud a ni Quiboloy ken dua pay a kadua na kalpasan ti petision nga inpila ti gobierno ti Estados Unidos.
Ti nadakamat nga extradition request ket gapu iti sumagmamano a criminal charges a sangsangoen ni Quiboloy iti Amerika kas ti child sex trafficking by force, fraud, coercion, pakairamanan pay ti marriage fraud, visa fraud, money laundering ken bulk cash smuggling.
