Umabot iti P35-milyon a pisos iti nakolektar a business tax iti Business Permit and Licensing Office ditoy ciudad ti Laoag.
Segun kenni Atty. Charito Malicad, mangidadaulo iti Business Permit and Licensing Office ditoy siudad ti Laoag, resulta daytoy iti agtultuloy a panagado dagiti agnegnegosyo ditoy ciudad.
Kuna na a dakdakkel nga adayo ti nakolektar da a business tax agingga idi Setyembre ita a tawen no ikompara iti kapada a panawen idi 2025.
Inlawlawag na a saan laeng a business tax ti karaman iti koleksiyon da, no di ket adda pay dagiti regulatory tax a nakatulong iti panangngato ti napastrek ti siudad.
Maragsakan ni Malicad a dagiti makolkolektar a tax ket mausar met laeng para kadagiti programa ken proyekto, nangruna kadagiti serbisyo iti social ken dadduma pay a kasapulan dagiti umili.
Kabayatanna, inrakurak ni Atty. Malicad nga awan ti naikeddeng a limitasyon iti koleksiyon ti opisina na, ta no ad-addo ti makolektar, ken ad-ado met dagiti maipaay a serbisyo para kadagiti residente ditoy siudad ti Laoag.
