LAOAG CITY – Umabot iti sumurok kumurang 40 a millon a pisos ti nagngatoan ti koleksion ti Business tax iti Business Permit and Licensing Office ditoy siudad ti Laoag.
Segun ken ni Atty. Charito Malicad, mangidadaulo iti Business Permit and Licensing Office ditoy suidad a daytoy ket babaen iti strikto a panagbisita kadagiti amin a pasdek negosio ditoy suidad ti Laoag .
Kunana nga epektibo ti araramidenda iti tunggal lawas ket mapan da agsursur tapno inspeksionen no adda met laeng Bussiness permit dagiti amin a pasdek negosio ditoy suidad.
Inbatadna a makita dagiti business owners ti naiget a panangsitada kadagiti madukduktalanda a kurkurang ti dokumento iso ti gapuna a dagita dadduma ket agtignay nga agilakad kadagitoy.
Kabaytanana, kuna ni Malicad nga iti panag ngato ti mapaspastrekanda ket kasta met iti kaado dagiti maserbianna nga umili babaen kadagiti programa, aktibidad ken dadduma pay nga iyusyuswat ti lokal a gobierno ditoy suidad ti Laoag.
