LAOAG CITY – Saan nga inlibak ni Laoag City Vice Mayor Rey Carlos Fariñas a nalidem a bumaba ti presio ti plete ti tricycle ditoy siudad no bumaba ti presio dagiti produkto ti petrolyo.
Daytoy ti inbatadna kalpasan a nasaludsod kenkuana no adda ti posibilibdad nga ipababa met laeng ti Sanguniang panlunsod ti plete no bumaba ti presio ti petrolyo kalpasan a maipasa ti gakat a mangipangato ti plete iti 5 pesos.
Inlawlawagna a daytoy ti realidad a maibasar iti panagbalinna a maysa nga operator ti bus.
Kunana a sipud nagbalin nga operator daytoy ket saanna pay a naobserbaran a bimmaba ti plete ti bus no diketdi daytoy ket agtultuloy a ngumatngato.
Innayonna a maiyarig pay daytoy iti presio dagiti magatgatang. Kabayatanna, inbatadna nga adadalenda a nasayaat ti maiyannatop a gatad a mainayon tapnon saan a nangina unay ti pagplete dagiti commuters ditoy siudad.
