LAOAG CITY – Balligi a nagsublin ti operasion dagiti pasdek negosio a naipaayan ti Closure Order gapu iti kinakurang ti dokumentoda nga agoperar.
Daytoy ket kinumpirmaran ni Atty. Charito Malicad, mangidadaulo ti Business Permit and Licensing Office (BPLO), a nakasubli dan kadagiti pasdek negosio-da kalpasan ti panangkompletoda kadagiti kasapulan a dokumento.
Segun kenkuana, adda laeng ti maysa a pasdek negisio ti saan pay a nakasubli gapu iti manarimaan a pannakaresolbar ti legal issue daytoy.
Kinunana a matingiting pay ti kaso tapno maipaayan ti umno a solusion ken kasapulan ti akin kukua nga agturong iti City Hall tapno maipaayan wenno makagun-od ti business permit ken maipasigurado a legal ti operasion daytoy.
Mainaig iti daytoy, kunana a saan a nalawag no ana ti kasasaad ti pasdek negosio ngem nupay kasta, agtultuloy ti panag-monitor ti Business Permit and Licensing Office (BPLO)ti situasion tapno masigurado a masurot ti closure order.
Kabayatanna, innayon ni Atty. Malicad a segun iti report, agtultuloy ti pannakataming ti isyu tapno maipaayan met laeng ti business permit kalpasan a makopleto dagiti kasapulan a dokumento iti nasao a pasdek negosio.
