LAOAG CITY – Inbatad ti Bureau of Internal Revenue (BIR) a manayunan ti bilang dagiti micro taxpayers a makagundaway ti One-Time Abatement Program.

Segun iti Bureau of Internal Revenue, dagiti benepisyaryo ti programa ket umaboten iti 5,210 nga addaan ti P353.75 million a taxes ken penalties ti naipababa agingga idi Nobyembre 7, 2026.

Basar iti report, manipod Oktubre 24 agingga iti Nobyembre 7 ita a tawen ket umaboten iti 1,281 wenno 32.6%, manipod iti 3,929 ken nagbalinen a 5,210 dagiti benepisyaryo ti nasao a programa.

Iti uneg ti kapada a dua a lawas, inpakaammo ti ahensya a ti balor ti nakissayan a buwis ket ngimmato iti  P86.96 milyon, manipod iti P266.79 milyon napagbalin a P353.75 milyon.