LAOAG CITY – Rugyan ni Pinay netter Alex Eala ti 2027 season iti pannakilaban na iti ASB Classic iti Auckland, New Zealand a maisayangkat intono Enero.

Kalpasan ti holiday season, rugyan a dagus ni Eala ti panagsanay na gapu iti maisayangkat ti WTA 250 event manipod Enero 4 agingga iti Enero 10, 2027.

Possible a maysa ni  Eala kadagiti seeded players iti nasao a torneo gapu iti nangato a ranking na iti WTA.

Iti agdama ket adda iti No. 15 iti WTA, ti kangatoan a ranking ni Eala iti tennis career na.

Saan a daytoy ti kaunaan a gundaway nga agay-ayam ni  Eala iti Auckland, gapu ta immuna a nabuya daytoy idi Enero ita a tawen.

Maipalagip nga immabot ni Eala iti semifinals ti singles no sadinno nga inabak na ni Wang Xinyu ti China iti iskor a 7-5, 5-7, 4-6.

Ti ASB Classic ket paset ti panagsagsagana ni Eala para iti Australian Open a maiyuswat idiay Mel­bourne intono Enero 17 agingga iti 31 iti sumaruno a tawen.