Immabot iti 23,947.14 a metriko tonelada ti produksyon ti parya iti pagilian manipod Hulyo agingga iti Setyembre ita a tawen.
Basar iti Philippine Statistics Authority (PSA), daytoyen ti kangatoan a nairekord a produksyon ti parya iti pagilian sipud idi 2010.
Ti kaudian a datos ket 43.5% a nangatngato ngem ti 16,688.59 a metriko tonelada a nairekord iti maikatlo a kwarter idi 2025.
Iti maikatlo a kwarter ti 2026, ti Bangsamoro Autonomous Region in Muslim Mindanao (BARMM) ti maibilang kas top producer ti parya iti pagilian nga addaan ti 7,225.38 a metriko tonelada.
Sumaruno ti Calabarzon nga addaan ti 4,120.11 a metriko tonelada, Central Luzon nga addaan ti 2,450.12 metriko tonelada, Ilocos Region nga addaan ti 1,330.43 a metriko tonelada, ken ti Cagayan Valley nga addaan ti 1,163.60 a metriko tonelada.
Basar iti Department of Agriculture, ti parya ket maysa kadagiti paggapgapwan ti vitamins A, B, C, iron, folic acid, phosphorus, ken calcium.
Naipagagangay ken mabigbig daytoy nga ingredient iti nalatak nga Ilocano dish a “pinakbet”.
Maipalagip nga idi 2024, nagaramid ti Institute of Herbal Medicine (IHM) of the National Institutes of Health (NIH) ti agas babaen ti parya a daytoy ket makaagas ti type 2 diabetes.
