Bimmaba ti farm production ti Pilipinas ti 5% iti P389.42 billion iti third quarter ita a tawen, no sadinno a bimmaba dagiti naapit nga irik kasta pay dagiti lames ken ikan.
Inbatad ti Philippine Statistics Authority (PSA) a ti crop production, a bukbuklen ti nasurok a kagudua ti pakabuklan nga agriculture ken fisheries production, bimmaba ti 9.% iti P197.71 billion.
Ti palay wenno unmilled rice ken mais, a kangrunaan a drivers ti crop output, nakairekord ti double-digit a panagkapuy ti 17.8% ken 17.4%.
