Naserbianen ti subpoena dagiti 21 iti 24 a testigo a kalikagum nga ipresentar ti kampo ni Vice President Sara Duterte iti impeachment trial kas panagsagsagana iti agtultuloy a panagdengngeg inton Nobiembre 9 agingga 13.
Daytoy ket kinumpirmaran ni Senate Secretary ken Impeachment Clerk of Court Renato Bantug Jr. ken inbatadna a ti nabatbati a tallo a subpoena ket maipablaak inton Lunes, Nobiembre 9.
Mainaig iti daytoy, manamnama inton Lunes ti presentasion ti depensa no sadinno sumango dagiti testigo iti direkta a panagsaludsod ti kampo ni Duterte, cross-examination ti prosecution, ken panagsaludsod dagiti senator-judge.
Maipalagip a 24 a testigo ti nabati iti listaan ti depensa kalpasan nga immatras ni Dean Ralph Sarmiento, nga immunan a karaman kadagiti kalikagum a paayaban da.
Ti panagserbi ti subpoena ket paset ti panagsagsagana iti panagdengngeg tapno masigurado ti panagsango dagiti testigo a kasapulan nga agatendar iti impeachment court.
