Naburak ti British collector ti naidumduma a Guinness World Record babaen ti pananglukat na ti pito a pakete ti trading cards iti uneg ti maysa a minuto kabayatan a nakakabit iti payyak ti eroplano a tumaytayab.
Ni Colby Bull, residente iti London ken founder ti rare collectibles business Edition One, ket ginandat na ti stunt idi Oktubre 13 iti Headcorn Aerodrome iti Kent, England.
Ngimmato ni Bull iti 600 a kadapan no sadinno a napan iti tuktuk ti 1940s Boeing Stearman biplane ken ditoy a linukatan na ti pito a pakete ti 2025-26 Topps Chrome Update Series Basketball Hobby cards a nagpaot ti maysa a minuto nga awan pulos ti naitayab iti baet ti kinapigsa ti angin nga umabot iti 120 miles per hour.
Gapu iti naidumduma nga aktibidad ket nagun-od ni Bull ti Guinness World Record para iti “most trading card packs opened during a wing walk in one minute”.
Sinertipikaran a dagus ti record-keeping organization ti rekord iti dayta metlaeng a gundaway.
Indmitir ni Bull a saan nga alisto ti inaramid na gapu ta arigna saanna a maigaraw ti imana gapu iti kapigsa ti angin ken saanna a maawatan ti riknana, ngem inkarigatan na ti nag-concentrate tapno magun-od ti arapaap na.
