LAOAG CITY – Pinalawa ti Bureau of Internal Revenue (BIR) ti listaan dagiti agas a saan a karaman ti value-added tax (VAT), nga umaboten ti 2,263 a klase iti agdama.
Ti nasao nga addang ket maiyataday iti direktiba ni Presidente Ferdinand R. Marcos Jr. tapno pagbalinen a nalaklaka ken ad-adda nga accessible ti healthcare para iti amin a Pilipino.
Basar iti Revenue Memorandum Circular No. 27-2026, nga inyendorsar ti Food and Drug Administration (FDA) ti Department of Health, karaman iti VAT-exempt medicines ti 702 cancer drugs, 535 hypertension medicines, 327 diabetes medicines, 300 mental health medicines, 171 nga agas para iti high cholesterol, 152 kidney disease treatments, ken 76 a tuberculosis medicines.
Ti circular ket naipatungpal iti babaen ti TRAIN Law (Republic Act No. 10963) ken CREATE Act (Republic Act No. 11534).
Segun ken ni Bureau of Internal Revenue Commissioner Charlito Martin R. Mendoza, pinaalisto ti ahensya ti review ken approval dagiti mekanismo tapno masigurado ti pannakaiyimplementar a dagus dagiti benepisyo para kadagiti Pilipino.
