LAOAG CITY – Inbatad ti Philippine National Police (PNP) a saan a kasapulan ti “loyalty check” kadagiti law enforcement agency.
Daytoy ket iti baet ti nagbalin a rakurak ni Sen. Panfilo Lacson nga adda ti sumagmamano a grupo a maipagarop a manggangandat nga agkiddaw ti suporta manipod kadagiti kameng ti uniformed services para iti possible a military-backed “People Power revolution”.
Inpetteng ni PNP spokesperson, Police Brig. Gen. Randulf Tuaño a nagtalinaed nga apolitical ti nailian a pulisya ken saan a makiraman iti aniaman nga aktibidad nga adda ti pakainaigan ti pulitika.
Kuna na a ti mandato da ket ti mangipasigurado ti linak, urnus ken talna iti intero a pagilian.
Innayon na a saan a kasapulan ti PNP ti loyalty check gapu ta mapnek da iti panangidaulo kadakuada ni Gen. Jose Melencio Nartatez Jr. ken agtalinaed ti kinapudno da iti konstitusyon.
