LAOAG CITY – Inrakurak ti Iran a simmungbaten ti Estados Unidos iti kaudian a peace proposal-na.
Segun iti pannakangiwat ti foreign ministry ti Iran, naipatulod ti sungbat kadakuada babaen ti Pakistan a manarimaan ti panangi-review-da iti daytoy.
Nupay kasta, awan pay ti pormal a panangkumpirmar ti Estados Unidos iti panangsungbatda iti Tehran no sadinno nga inbatad ni United States President Donald Trump a ti proposal ti Iran ket saan a nainkalintegan para kenkuana.
Naammoan a ti 14-point peace plan ti Tehran ket nagkiddaw iti Washington nga ikkaten ti puersa daytoy manipud kadagiti asideg iti nagbedngan ti Iran, lippasen ti naval blockade daytoy kadagiti pantalan ti Iran ken isardeng amin ti rinnupak pakairamanan ti opensiba ti Israel iti Lebanon.
Nakiddaw ti maysa a katulagan iti nagbaetan ti dua a pagilian a maabot iti uneg ti 30 nga aldaw.
