LAOAG CITY – Adda ti pakabuklan a 36,398 ti nailako a behikulo ditoy pagilian idi Oktubre ita a tawen.

Daytoy ket basar iti nagtipon a datos nga inparuk-at ti Chamber Automotive Manufacturers of the Philippines Inc. (CAMPI) ken ti Truck Manufacturers Association (TMA).

Mainaig iti daytoy, dakkel a porsion kadagiti nailako iti bolan ti Oktubre ket dagiti Electric vehicles nga umabot ti 8,957 units.

Ti 77.39% a nailako idi Oktubre ket commercial cars, no sadinno a kaibatugan daytoy ti 28,585 units; 7,550 ti Asian utility vehicles (AUVs); 20,176 a light commercial vehicles; 459 a light-duty trucks ken buses; 338 a medium-duty trucks ken buses ken 62 a heavy-duty trucks ken buses.

Kabayatanna, ti nabatbati pay a 22.61% wenno 8,353 a units ket dagiti pampasahero a lugan.