LAOAG CITY – Agtaltalinaed nga adda iti kustodiar dagiti otoridad dagiti 200 a ralyista a naarestar iti Muntinlupa, idi Domingo, Nobiembre 15, kabayatan ti agtultuloy nga inquest proceedings mainaig iti panangiwayatda ti maipagarup nga iligal a tignay protesta kontra iti inisiatibo a Pax Silica ken ti manamnama a panagbisita ni United States President Donald Trump.
Segun ken ni Southern Police District (SPD) Director Brig. Gen. Rodel Pastor, dimmalan iti proseso ken dokumentasion dagiti miembro ti Lakbayan ng Timog Katagalugan a naikabil iti Camp Bagong Diwa iti Taguig City.
Nupay kasta, inpetteng ni Pastor a saan a naibalud dagiti nasao a ralyista no diketdi dimmalan laeng dagitoy kadagti kasapolan a proseso.
Inpettengna nga agtaltalinaed ti panangiyunada iti karbengan ti publiko a nawaya a panangirakurak ken natalged a panagtitipon.
Kabayatanna iti salinong ti Republic Act No. 7438, adda ti karbengan iti legal counsel dagiti indibidual a naarestar, naibalud wenno dagiti dimmalan iti custodial investigation.







