LAOAG CITY – Tinalantan ni Presidente Ferdinand Marcos Jr. ken United States Secretary of State Marco Rubio ti inisiatibo ti Pax Silica ken Luzon Economic Corridor iti taripnongda iti Malacañang basar ken ni Philippine Ambassador to the United States Jose Manuel Romualdez.
Ti Pax Silica ti kangrunaan a programa ti United States Department of State a nakapokus iti artificial intelligence ken seguridad ti supply chain.
Gagemna daytoy ti mangipatakder ti baro nga economic security framework pakairamanan dagiti kaalyado ken mapagtalkan a partner ti Estados Unidos.
Pormal a nakipaset ti Pilipinas iti Pax Silica idi Abril pakairamanan ti 22 pay a nagpirma kas ti European Union, Japan, India, Singapore, South Korea ken United Kingdom.
Iti babaen ti inisiatibo, agtinnulong ti Manila ken Washington tapno mangipatakder ti 4,000-acre industrial hub a manamnama nga agbalin a modelo para kadagiti investment a nakapokus iti artificial intelligence iti uneg ti Luzon Economic Corridor.
Immunan nga inbatad ti Department of Finance a karaman iti kangrunaan nga economic priorities ti Estados Unidos ket dagiti aktibidad nga adda ti pakainaigan iti Pax Silica iti Pilipinas.
Mainaig iti daytoy, isagsagana ti ahensia ti legal ken operational framework para iti panangipatungpal daytoy.
Kabayatanna, madanagan ti US-led initiative mainaig iti nasional a soberanya, panagusar ti daga ken posible nga epektona daytoy iti aglawlaw ken geopolitika.
