LAOAG CITY – Pinatibker ti Pilipinas ti karina a protehiran ti karbengan dagiti mangmangged kabayatan ti 358th Session ti International Labour Organization a naisayangkat idi Nobiembre 9 agingga 19, 2026.
Indauloan ni Department of Labor and Employment Undersecretary Carmela I. Torres ti delegasion ti Pilipinas iti salinong ti administrasion ni Presidente Ferdinand Marcos Jr. ken ti panangidadaulo ni DOLE Secretary Francis N. Tolentino.
Karaman kadagiti isyu nga inlungalong ti pagilian ket ti proteksion dagiti mangmangged kontra iti nakaro a paniempo, patas nga oportunidad para kadagiti babbai ken lallaki ken ti napinpintas a kondision iti trabaho ken proteksion para kadagiti gig ken platform worker, pakairamanan dagiti delivery rider ken app-based driver.












