LAOAG CITY – Inbatad ni United States President Donald Trump ti manamnama a pannakisaritana ken ni Russian President Vladimir Putin iti kabiitan a panawen mainaig iti agwarwaras a damag mainaig iti pannakatay ti maysa a laboratory technician gapu iti plague.
Immunan iti daytoy, naglikudan ti Russian authorities a mangiwaywayatda ti anti-plague measures ken ti panangpaserrada kadagiti reports mainaig iti insidente idiay plague research institute idiay Siberia’s Irkutsk region idi naudi a lawas.
Nupay kasta, madanagan ti Washington a kiniddaw ni Secretary of State Marco Rubio iti Russia nga agbalin a transparent iti nasao a sitwasion, no sadinno nga immapela met ti United Nations ken World Health Organization ti kapada a report manipud iti Russia.
Maipalagip nga impublikar ti maysa a news outlet idi naudi a lawas ti pannakatay ti maysa nga agtawen ti 28 a babai a mapapati a gapu iti pneumonic plague manipud iti naburak a test tube iti maysa a laboratory research.
Innayon pay dagiti dadduma pay a media a ti pannakatay ti nasao a babai ket maipagarup a gapu iti laboratory accident iti pasilidad a pagtrabtrabahoanna.
Inpettengda a maipagarup a dagiti 200 nga indibidual a nakasango ti nasao a biktima ket manarimaan ti panag-quarantine-da.
Kabayatanna, inpanagetget met ti Russian authorites a saan pay a nakumpirmaran ti rason ti pannakatay ti nasao a natay a babai.
