LAOAG CITY – Inbatad ni Barangay Chairman Manny Morales iti Barangay 1, San Lorenzo ditoy siudad ti Laoag a manarimaan ti koordinason da kadagiti otoridad mainaig ti napasamak a basag-kotse ken panagtatakaw iti Floral Garden.

Segun ken ni Kapitan Morales, addan ti immuna a kastoy a napasamak iti barangay da ken atapen na a maymaysa laeng a tao wenno grupo ti adda iti likodan ti krimen.

Mainaig iti daytoy, nakisarita da metten iti Floral garden tapno mainstolaran ti CCTV camera iti lugar iti kabiitan a panawen.

Kabayatanna, nagpalagip ti kapitan kadagiti mapan bumisbisita iti kamposanto a no mabalin ket saanen nga agitugot kadagiti napateg a gamit wenno saan nga agibati iti uneg ti lugan tapno saan a paginteresan dagiti mannanakaw.