LAOAG CITY – Umabot iti $3.64 billion a kaibatugan ti 2.1% iti pakabukelan nga assets ti Binance ti inruar dagiti sumagmamano a users ti platform iti umuna nga aldaw ti panagsubli ti kadakkelan a cryptocurrency exchange kalpasan ti napasamak a pannakatakaw ti agarup $6.3 billion nga assets ti kumpanya.
Immunan iti daytoy, inpakaammo ti nasao a kumpanya ti panang-cover-na ti 95% manipud iti $6.3 billion a natakaw nga assets ti kumpanya.
Mainaig iti daytoy, daytoyen ti kadakkelan a nairekord a financial robbery, no sadinno nga immabot daytoy ti $6.3 billion.
Kabayatanna, basar iti Federal Bureau of Investigation, mapatta-patta a ti adda iti likudan ti nasao a panagtakaw ket ti maysa a North Korean state-sponsored group.
