Nagbaliktad ti maysa a passenger bus kalpasan a naawanan daytoy iti preno iti agkurba a paset ti kalsada it Brgy. Baruyen iti ili ti Bangui.
Malaksid ti panagbaliktad na ket nadungpar pay ti maysa a pick-up truck.
Nabigbig ti driver ti bus a ni Mr. Jayson Faylogna Lorenzo, agtawen ti 50, naasawaan idinto a ti driver ti pick-up ket ni Johnsen Maruquin Clemente, agtawen ti 35 ken maysa a private employee.
Segun ken ni PCpt. Irenio T. Sibucao Jr., ti Chief of Police iti ili ti Bangui, ti bus ket aggapo ditoy ciudad ti Laoag Ken agturong KOMA iti ili ti Pagudpud, idinto a ti pick-up truck ket agturong ditoy siudad ti Laoag idi napasamak ti insidente.
Dagus a nagresponde dagiti kameng ti Philippine National Police iti ili ti Bangui iti nakapasamakan ti insidente.
Segun iti inisyal nga imbestigasion, nasurok a 20 a pasahero ti bus ti nasugatan, a pakairamanan dagiti estudyante, idinto a saan met a nadangran ti driver ti pick-up.
Naitaray met a dagus dagiti nasugatan a pasahero iti ospital para iti naan-anay a pannakataming da.
Iti agdama, nagtalinaed iti kustodiar ti Philippine National Police ti driver ti bus para iti naan-anay a pannakaimbestigar iti napasamak.
