LAOAG CITY – Kinumpirmaran ti Philippine Consulate General idiay Frankfurt nga adda dagiti biktima a Pilipino a nairaman iti maysa a bus accident iti A96 idiay Bavaria, Germany.
Gapu it daytoy, nakikoordenar ti konsulado iti German authorities tapno maamoan ti kasasaad dagiti dadduma pay a naapektaran a Pilipino.
Nakasagana met ti konsulado a mangipaay ti tulong kadagiti biktima ken kadagiti pamilyada.
Kabayatanna, ti nasao a nadisgarsia a bus nga addaan ti 35 a pasaheros, pakairamanan kadagiti Filipino tourists ket agturong koma idiay Munich’s Oktoberfest beer festival ngem saandan a nakadanon iti nasao a piesta gapu iti pannakadisgrasiada.
