LAOAG CITY – Nagsanud ni Michelle Dee iti pannakisalip na iti Miss Grand International (MGI) All Stars competition kalpasan ti emergency appendectomy-na.
Kinumpirmaran ti Sparkle GMA Artist Center a saanen a makipaset ni Dee iti pageant kalpasan ti immuna a post ti MGI All Stars mainaig iti panagsanud na iti kompetision.
Inbatad pay ti Sparkle kadagiti fans ni Michelle a sinaganaan na a naimbag ti nadakamat a pageant isut gapuna a saan a nalaka iti desision na ngem inbatad da a daytoy ket kapintasan nga aramiden na.
Kabayatanna, nagyaman ti Sparkle kadagiti fans iti pannakaawat da ken mangnamnama ti kapada a suporta kadagiti sumarsaruno nga event.










