LAOAG CITY – Dinayyeg ti magnitude 6.8 a gingined ti central ti Peru, basar iti German Research Centre – Geosciences.
Narikna daytoy iti kabisera ti Lima a paset ti Andrean region ti Junin iti kauneg a 129 a kilometro.
Gapu iti daytoy, nagibakwit dagiti residente ti Lima manipod kadagiti pagtaengan da ken naipakita iti maysa a video dagiti agpanpanday-linteg a rumrumuar iti kongreso.
Mainaig iti daytoy, ti Junin ket lugar ti pakaiwaywayatan ti sumagmamano a mining operation ken ayan ti Chinalco-owned Toromocho mine, masya kadagiti kadakkela a pagaramidan ti copper iti Peru.
Ti Peru ket maikatlo kadagiti kadakkelan a pagaramidan ti copper iti intero a lubong.
Kabayatanna, awan ti nairekord a nasugatan wenno nadadael iti nasao a gingined.












