LAOAG CITY – Napukaw ti Alas Pilipinas girls ti momentum-da kalpasan a nag-rally ti Peru iti maika-uppat a set victory iti 2026 International Volleyball Federation Volleyball girls’ U17 World Championship.
Napaay ti alas Pilipinas Girls kontra iti Peru kalpasan ti iskor, 28-26, 22-25, 23-25 ken 20-25, iti Pool B iti 2026 International Volleyball Federation Volleyball Girls’ U17 World Championship.
Iti ay-ayam, indauloan dagiti Filipina players ti opening set sakbay nga inagaw dagiti Peruvians dagiti nabatbati pay a set.
Iti baet daytoy, naaddan ti maysa a golden opportunity ti Alas girls a kontrolen ti maika-tallo a set kalpasan ti pananglamangda iti 15-5 advantage ngem gapu iti daytoy, nagpakampante ti Philippine squad no sadinno ket nagbalin laengen a 22-15 ti iskor no sadinno a da Fernanda Pinto ken Cielo Quispe ket nangipakita ti stunning late rally a rason ti pannakaagawda ti lamang kontra iti Philippine team.
Kabayatanna, kalpasan ti pannakaabak ti Pilipinas, manamnama a sumaruno a makalaban ti Alas Girls ti team ti Venezuela no sadinno ket agpada dagiti dua nga adda iti standing a 2-2 records no sadinno ket pagbinnalubalanda ti para iti final pleminary-round match.
