Nangiyuswat ti maysa a ’deadly’ a panagatake ti Russia iti Ukraine sumagmamano nga oras kalpasan a kinataripnong ni Russian President Vladimir Putin da US President Donald Trump ken Chinese Presidente Xi Jinping para iti pakasaritaan a trilateral talks.
Nupay kasta, inbatad iti Kyiv, nangiyuswat ti Russia ti napalawa a missile ken drone attack iti agpatnag agingga idi Biernes no sadinno ad-adu daytoy ngem dagiti masansan nga aerial assaults ti Russia.
Gapu iti daytoy 9 a tattao ti natay ken umabot ti 28 ti na-injure kabayatan ti panagatake a nagpaot iti sumurok 10 nga oras, basar iti otoridad ti Ukraine.
Mainaig iti daytoy, sumurok 400 nga attack drones ken 110 missiles, pakairamanan ti 27 ballistic missiles, ti nausar iti panagatake. Sumagmamano a natamaan ket dagiti rangtay, imprastraktura ti kuriente ken dagiti residential building.
Segun ken ni Ukrainian President Volodymyr Zelenskyy, karaman kadagiti target dagiti pasilidad a mangipapay ti suplay ti kuriente kadagiti nuclear power plant nga maikonektar iti power grid ti Ukraine kadagiti kabangibang a pagilian iti European Union.
Kinondenar pay ni Zelenskyy ti panagusar ti Russiati cluster warheads ket ti agsasaruno a panagatake tapno lappedan ti rescue operations kan panangtarimaan dagiti nadadael a pasilidad.
Kinondenar met ni NATO Secretary General Mark Rutte ti panagatake ken ti panagpalawa ti epekto na daytou iti teritorio ti alyansa.
Nagpanawagan ni Zelenskyy kadagiti kaalyado ti Ukraine a paalistwen ti panangipatulod ti air defense systems at PAC-2 ken PAC-3 missiles tapno maprotehiran ti pagilian kontra kadagiti sumaruno a panagatake.










