LAOAG CITY – Inbasura ti Office of the City Prosecutor ti Makati City ti reklamo nga slight physical injuries, maltreatment, ken unlawful arrest nga inpila ni Alyas Totoy kontra Miss Universe Philippines 2023 Michelle Dee, aktres Rhian Ramos, ken Miss Grand International Philippines 2021 Samantha Panlilio.
Namunganay ti kaso kalpasan nga inakusaran ni Alyas Totoy ti sabali a partido idi Enero a nangkabkabil, nangmaltrato, ken nangraut kenkuana iti uneg ti pasilidad ti condominium unit daytoy.
Inakusaranna pay ida a puersado a nangibalud kenkuana a kontra iti pagayatanna.
Basar iti resolusion dagiti piskal, naibilin a maikkat ti kaso gapu iti kaawan ti umdas nga ebidensia a mangpaneknek kadagiti pammabasol ti nagreklamo kontra kadagiti nadakamat a personalidad.
