Masapol a mailawlawag a naimbag ti gobierno ti Pilipinas dagiti requirements a kasapulan iti pannakaipasdek ti Pax Silica ditoy pagilian.
Daytoy ti inbatad ti Geopolitical Observer a ni Mr. Denmark Suede iti Australia.
Inlawlawag na a gapu iti plano a pannakaipasdek ti Pax Silica ket adda dagiti agamak a mapukawan ti lote dagiti Aeta.
Nupay kasta, kuna na a maibasar iti gobierno ket maipasdek ti nasao a pasilidad iti mismo a paset ti Clark, a maibilang kas public land isut gapuna nga awan ti mapukawan ti daga nga Aeta.
Kuna pay ni Suede a ti pannakaipasdek ti pasilidad ket kasapulan na ti ado nga enerhiya ken danom, no sadinno nga agkasapulan daytoy ti 3-gigawatt a kuryente.
Inpaganetget na nga awan pay ti Pax Silica ket makapaspasaren ti brownout ti pagilian isut gapuna nga awan ti foreign investors a mangayat nga agpuunan iti maysa a lugar nga awan ti kuryente na.
Gapu iti daytoy, ti gobierno ti Pilipinas ket i-require na ti manufacturer nga agipasdek ti bukod da a power plant.
Innayon ni Suede a no maipapan met iti danom, mabalin met nga aramiden nga aggapo a mismo iti baybay wenno ti makunkuna a desalination tapno iconvert iti fresh water para iti kasapulan a danom.











