LAOAG CITY – Inbatad ni Atty. Patricia Paola S. Rillon, Ti Securities and Exchange Commission Counsel ti Region 1 a saanda nga irekomendar ti paluwagan wenno among kadagiti tattao.
Segun kenkuana, ti paluwagan ket maibilang kas false scheme gapu ta adda ti arigna return of investment wenno namnamaen a gatad a maisubli kadagiti nakipaset a saan a kasapulan ti agtrabaho dagiti tattao.
Inlawlawagna nga adda ti makunkuna a handler wenno admin daytoy nga iso ti para iggem ti kuarta.
Inlawlawag na nga iti sangapulo a nagaplikar, possible nga adda ti maysa wenno dua a tao a saan a makaawat iti naikeddeng a gatad a nagtutulagan da.
Innayon na a naiget da a kondenaren ti nasao nga aktibidad gapu ta maysa nga scam daytoy no sadinno a mabalin ken nalaka a gundawayan dagiti tattao.
