LAOAG CITY –Inbatad ni Deputy Minority Leader ken ACT Teachers party-list Rep. Antonio Tinio ti maipasdek a Pax Silica project iti New Clark City iti Tarlac ket ‘voracious’ ken ‘unnecessary project’ a mabalin a mangibos iti suplay ti kuryente ti pagilian.
Segun ken ni Tinio, ti United States-led project ket mabalin nga alibi laeng tapno maka-import ken makapatakder ti modular nuclear power plant tapno masungbatan ti projected power demand a 5-gigawatts (GW).
Immunan nga inbatad ti International Energy Agency a ti 1,619-hectare data center ket mabalin a makausar ti kuryente a katukad ti 100,000 a pagtaengan.
Innayonna a ti panangilungalong ti administrasion para iti modular nuclear power iti babaen ti US-Philippine 123 Agreement, maysa a nuclear cooperation agreement, a mangipaay ti dalan iti American companies tapno ag-export ti nuclear fuel reactors ken teknolohia iti pagilian, a mangitunda ti interest dagiti kompania ti United Stated.
Gapu iti daytoy, ginutigotna dagiti Filipino a kontraen ti Pax Silica ken ti plano para iti modular nuclear power iti pagilian ken inladawanna dagiti proyekto kas ‘twin threaths’ iti soberanya, aglawlaw, ken kinatalged ti pagilian.
